Serbët për Haradinajn: Ka torturuar, vrarë dhe hedhur trupat e serbëve

Ramush Haradinaj – një ish i akuzuari i Hagës, deputet dhe kryetar i Aleancës për Ardhmërinë e Kosovës – është arrestuar në Francë, pas një urdhër arresti ndërkombëtar të Serbisë.
Haradinaj u arrestua në aeroportin e Bazel, në anën franceze, me kërkesën e Serbisë qw prej vitit 2004, i akuzuar për krime në Kosovë.
Haradinaj u lind më 3 korrik 1968 në fshatin Gllogjan afër Deçanit në Kosovë.
Pas demonstratave të shqiptarëve të Kosovës në vitin 1989, ai emigroi në Zvicër, ku u rekrutua në Lëvizjen Popullore të Kosovës (LPK), formacion nga i cili doli Ushtria Çlirimtare e Kosovës.
Në Shqipëri ka përfunduar një trajnim në vitin 1996 dhe ka marrë pjesë në krijimin e bazave terroriste në qytetet e Kukësit dhe Tropojës.
Në Kosovë, ai hyri paskëtaj shpesh në mënyrë të paligjshme dhe u vendos në mënyrë të përhershme në mesin e vitit 1997, kur sëbashku me vëllezërit Daut dhe Shkëlzen organizuan sulme terroriste ndaj policisë në të gjithë Metohinë.
Në prill të vitit të ardhshëm u bë një nga komandantët e UÇK-së rajonale.
Me iniciativën e tij në Gllogjan është formuar një njësi speciale e UÇK-së, e quajtur “Shqiponjat e Zeza”, e cila është e ngarkuar me përgjegjësi për torturimin dhe vrasjen e dhjetëra civilëve serbë, trupat e të cilëve u gjetën në liqenin Radonjiq dhe puset e fshatrave në komunën e Deçanit, thotë RTS.
Autoritetet në Beograd e kanë akuzuar Haradinajn si përgjegjës për shumë krime kundër serbëve në atë pjesë të provincës dhe madje lëshoi një urdhër arresti për të.
Ai është i akuzuar për vrasjen masive të serbëve në fushën e Gllogjanit, ku në vitin 1998 në një plantacion bujqësore u gjetën më shumë se 20 kufoma.
Pas shpërbërjes zyrtare dhe ç’militarizimin e UÇK-së, në fillim të vitit 2000, ai ka themeluar Trupat Mbrojtëse të Kosovës, në të cilën Haradinaj ishte zëvendës komandant në forcën e drejtuar nga Agim Çeku.
Nga këto detyra u tërhoq më 11 prill të këtij viti dhe njoftoi ngritjen e partisë. Partia e re e quajtur Aleanca për Ardhmërinë e Kosovës u formua më 29 prill 2000 dhe Haradinaj u zgjodh kryetar i saj.
Tribunali i Hagës më 4 mars të vitit 2005 lëshoi një padi kundër Haradinajt, duke e akuzuar me 37 akuza për krime kundër njerëzimit dhe shkelje të ligjeve ose zakoneve të luftës, në bazë të përgjegjësisë individuale penale të kryer në periudhën nga 1 marsi deri më 30 shtator 1998 kur ai ishte komandant i ashtuquajturës: zonë operative e Dukagjinit (Metohija).
Pas marrjes së aktakuzës Haradinaj, ai dha dorëheqjen si kryeministër i Kosovës dhe u dorëzua vullnetarisht në Tribunal më 9 mars 2005
Gjykata e Hagës e liroi Haradinajn nga krimet e luftës në vitin 2012. Pastaj Haradinajt dhe ish-ndihmësit e tij Idriz Balaj dhe Lahi Brahimaj janë liruar.
Kjo ishte hera e dytë që Haradinaj është liruar.
Më parë, pas verdiktit të gjykimit të parë, Haradinaj dhe Balaj u liruan nën akuzat për krime të kryera në të gjithë zonën e Kosovës perëndimore, kurse Brahimaj u dënua me gjashtë vjet burgim (Marrë nga TANJUG) (b.an). (JavaNews)