Ditën e enjte në “Elbasan Arena”, shorti i Europa League ka përcaktuar se do të përballet ekipi i Skënderbeut kundër serbëve të Partizanit të Boegradit. Natyrisht, që përplasja mes dy ekipeve ka një plan antagonizmi jo vetëm sportiv, por edhe etnik.
Niveli i sigurisë, po ashtu si edhe në përballjen mes dy kombëtareve do të jetë shumë i lartë dhe ky fakt është raportuar nga vetë mediat serbe që i gjykojnë këto masa si të tepruar. Gazeta serbe “Informer” e kanë denoncuar këtë situatë si të jashtëzakonshme ku janë përfshirë dhe forcat speciale të policisë.
Bardh e zinjtë e Beogradit kanë marrë me vete në udhëtim 4 roje shtesë dhe vetë ushqimet i kanë transportuar nga Serbia së bashku me kuzhinierin e klubit, për shkaqe për të cilat vetëm mund të spekullojmë. Mesa duket sërbët nuk e shijojnë ushqimin shqiptar, ose nuk kanë besim tek kuzhinierët tanë.
“Ne jemi në kontakt me njerëzit në Tiranë, që e kanë ngritur nivelin e sigurisë për ne. Presim eskortë speciale policie gjatë të gjithë kohës dhe besojmë tek aftësitë e Policisë shqiptare. Kemi gjithashtu personel sigurie tonin për të gjithë delegacionin. Do të akomodohemi në të njëjtin hotel ku ishte edhe kombëtarja serbe. Çdo stërvitje do të zhvillohet në Tiranë. Kemi parë çdo lloj provokimi, por nëse kjo ndodh në Shqipëri, do të përgjigjemi në fushë. Jemi të interesuar për sport dhe jo politikë”, është shprehur Milosh Vazur, menaxher i Partizanit të Beogradit.
a.ç
