Përfshirja e gjeneralit me origjinë nga Kosova, Adem Huduti, i cili akuzohet se ishte pjesë e grusht shtetit kundër Rexhep Taip Erdoganit, është pasqyruar edhe në mediat beogradase.
E përditshmja “Kurir” në numrin e sotëm ka publikuar disa fakte rreth Hudutit të titulluar; “SVET JE MALI Puč u Turskoj vodio albanski general s Kosova” (Bota është e vogël/ Puçin e Turqisë e udhëhoqi një kosovar).
Ndër të tjera, aty raportohet për arrestimin e gjeneralëve dhe oficerëve dhe ushtarëve të cilët pretenduan një grushti shteti në Turqi, transmeton Indeksonline “Gradën më të lartë në mesin e zyrtarëve të arrestuar e kishte edhe gjenerali Adem Huduti, i cili është lindur në Kosovë”, shkruan kjo medie.
Huduti kishte postin e komandantit të Ushtrisë së Dytë, pjesë e Këmbësorisë së Forcave të Armatosura të Turqisë. Vlen të theksohet se ai një pjesë të fëmijërisë e kaloi në fshatin Reçan të qytetit të Prizrenit. (b.an)
