Kuzhinieri që do të jetë pjesë e kombëtares serbe në Shqipëri, Velimir Simanic hedh poshtë zërat se udhëtimi i tij në Tiranë lidhet me frikën për ndonjë helmim të mundshëm të lojtarëve.
“Nuk kemi asnjë frikë për helmim. Kjo është një procedurë rutinë. Nuk është hera e parë që unë jam pjesë e delegacionit përfaqësues.
Ne nuk shkojmë në vendet ku luan kombëtarja jonë për të gatuar ushqimet tona. Ka pasur një spekulim në lidhje me këtë.
Unë thjesht shkoj atje, sepse e di mirë se si ushqehen futbollistët e mi dhe në njëfarë mënyre jap sugjerime, apo orientoj për ushqimet që duhet t’i serviren ekipit.
Në Shqipëri, skuadra jonë do të ushqehet me produkte vendëse. Nuk kemi ndërmend të marrim ushqim nga Serbia”deklaron ai.
