Kirurgia plastike Senera Hoxha ishte e ftuar në emisionin “Ftesë në pesë”, ku përballë moderatores Bieta Sulo foli për herë të parë për disa aspekte të jetës së saj personale.
Ajo tregoi se kjo verë e ka gjetur në një gjendje shumë të mirë emocionale dhe me zemrën plot. Pas përfundimit të historisë së dashurisë me ish-partnerin, Hoxha tha se nuk pranon kompromis kur bëhet fjalë për tradhtinë. Sot, marrëdhënia mes tyre është vetëm profesionale, pasi janë kolegë.
“Besoj ende në dashuri, natën e bej gjumin rehat dhe jam e ngopur me komplimente”, u shpreh Senera Hoxha gjatë intervistës.
Gjatë bisedës, ajo ndau edhe një kujtim të dhimbshëm nga fëmijëria. Kur ishte vetëm 7 vjeç dhe ndodhej në oborrin e gjyshes në Cërrik, pa për herë të parë gjak, pasi nëna e saj u plagos nga një plumb qorr.
“Nuk e harroj kurrë oborrin e larë me gjak”, tregoi ajo.
