Gjatë një debati në Senat mbi masat për të ekuilibruar numrin e femrave të përzgjedhura me atë të meshkujve, senatori Roberto Calderoli është shprehur se aty ku lejohen të dyja gjinitë të garojnë me njëra tjetrën do të kishte favorizim të meshkujve.
Sipas tij, një mashkull mund të ketë 4-5 dashnore, të cilat në fund të ditës përkthehen në vota, ndërsa një femër zakonisht nuk i ka.
Kjo deklaratë e tij ka shkaktuar ilaritet në sallë, ndërsa kjo nuk është hera e parë që senatori Calderoli bën deklarata të tilla që shkaktojnë debate.
Deklarata të tilla kemi patur edhe në Parlamentin shqiptar, ku deputeti Kostaq Papa deklaroi në ditën e 8 marsit se kur ishte i ri, femrat që ai kishte në krah pinin më shumë uiski se ujë.
