Rexhep Selimi deputet i Lëvizjes Vetëvendosje dhe ish-epror i lartë në Ushtrinë Çlirimtare të Kosovës, i pyetur rreth skeçit të grupit humoristik “Stupcat” ku me anë të personazheve të tyre portretizojnë disa luftëtarë si profitues, ka shtuar se nuk ka rrezik nga satira.
“Nuk rrezikohet UÇK-ja nga satira, por diçka që është shumë më serioze se kaq, imazhi i saj është rrezikuar jo pak herë, e më së shumti me votimin e Gjykatës Speciale. Leni këtë punë mos u merrni me ‘’stupcat”, por e kanë rrezikuar ata që e kanë votuar Gjykatën Speciale,” ka thënë Selimi, njofton Klan Kosova.
