Prej mëngjesit të sotëm selia e Partisë Demokratike është rrethuar nga policia, për shkak të Kuvendit Kombëtar të PD-së të thirrur nga Sali Berisha, që po zhvillohet në stadiumin “Air Albania”.
Kryetari i Komisionit që drejton punimet e këtij Kuvendi, Belind Këlliçi, e ka quajtur provokim të ulët vendosjen e forcave të policisë për të mbrojtur PD-në, pasi tha se mjaftojnë dy rojet, Papi dhe Iliri për ta mbrojtur atë godinë.
“Nuk ka nevojë ta mbrojë policia selinë e Partisë demokratike, mjaftojnë dy rojet, Papi dhe Ilir që ta mbrojnë atë seli. PD është e demokratëve, le t’i lënë këto provokime të ulëta sepse nuk shërbejnë për asgjë”, tha Këlliçi./m.j
