Policia e Gjirokastrës ka sekuestruar një sasi prej 7 ton mallrash kontrabandë si dhe ka arrestuar shoferin e kamionit, shtetasin Kudret Gjonaj.
Kamioni i tipit Volvo me targa AA 138 FZ ka kaluar në pikën kufitare pa deklaruar mallrat duke ju shmangur kështu detyrimeve.
Vlera e mallrave shkonte në rreth 800 mijë lekë. Mjeti u ndalua nga policia në aksin rrugor Gjirokastër – Tepelenë dhe u rikthye për vlerësim në Doganë.
Nga ana tjetër, policia ka shpallur në kërkim doganierin përgjegjës të turnit, shtetasin me inicialet B.P./a.m.
