Policia e Lezhës ka sekuestruar 300 kilogramë marijaunë, arrestohet një person, 2 në kërkim.
Nga strukturat e Drejtorisë Vendore të Policisë Lezhë në bashkëpunim me Prokurorinë e Rrethit Gjyqësor Lezhë , pas një pune hetimore disa ditore , u finalizua me sukses operacioni i koduar “Epilog” ku u sekuestruan 300 kg lëndë narkotike e llojit Marijuanë e futur në bidona plastikë dhe thasë e fshehur në një banesë në Ishull – Lezhë.
Si rezultat i operacionit u arrestua në flagrancë shtetasi Pjetër Toni , 58 vjeç, banues në Ishull -Lezhë si dhe u shpallën në kërkim shtetasit S.P. 46 vjeç , banues në Ishull – Lezhë dhe V.T. 25 vjeç, banues në Ishull -Lezhë.
Materialet procedurale u referuan Prokurorisë së Rrethit Gjyqësor Lezhë për veprën penale “Prodhim dhe shitje e lëndëve narkotike” parashikuar nga neni 283/2 i Kodit Penal.
c.a
