Babai i Pandeli Majkos, Sotir Majko, ka qenë një ndër aviatorët më të shquar të Shqipërisë, duke hyrë në kategorinë e pilotëve të ikona aviacionit luftarak shqiptar. Majko sot ka treguar një sekret të babait të tij për “kapjen” e një avioni amerikan në vendin tonë gjatë Luftës së Dytë Botërore.Kjo ngjarje do të bënte bujë në kohën e komunizmit.
Majko sqaron se avioni amerikan u kap pasi pësoi një difekt në një nga motorët e tij. Përmes këtij tregimi, indirekt deputeti socialist Majko jep edhe një mesazh për marrëdhëniet Shqipëri-SHBA, duke theksuar se “prodhuesja e avionëve dhe kohës që jetojmë di të përshtatet më shpejt se perdoruesit e përkohshëm të saj. Majko e ka treguar historinë me babain për të bërë një paralele me zgjedhjet në SHBA.
Postimi i plotë i Majkos në Facebook:
Ky është avioni amerikan i “kapur” nga aviacioni shqiptar në periudhën e Luftës së ftohtë. Ai ndodhet sot në muze, në kalanë e Gjirokastrës. Një krenari e dikurshme që tregonte forcën e Shqipërisë në një moment të caktuar.Mbase edhe sot do të kisha të njëjtën ndjenjë sikur përpara viteve ‘90-të, im atë (një nga drejtuesit e aviacionit ushtarak shqiptar), ti binte “shkurt” entuziazmit tim djaloshar duke më shpjeguar sekretin e kapjes së tij…Avioni amerikan u “dorëzua” pasi i ishte prishur një nga motorët.
Me këtë difekt ai nuk mund të shkëputej nga ndjekja e Mig-ëve shqiptar. Historitë e pashkruajtura nuk janë të këndshme. “Kjo nuk është e drejtë!” i thashë tim eti vite më parë, gjimnazist. “Kjo është e vërteta! Mësohu me të…” – ishte përgjigja e dhimbsur e tim eti. Ndodh ndonjëherë, që politika amerikane të duket në krizë. Ndodh që gjenden njerëz ta diskutojnë atë me kompetencë për paqartësitë e saj. E pashkruajtura mbetet edhe në këtë rast pezull.Suksesi përkohshëm i kritikës do të ndryshket si avioni në këtë foto. Prodhuesja e avionëve dhe kohës që jetojmë di të përshtatet më shpejt se përdoruesit e përkohshëm të saj… Kjo është e vërteta. Mësohuni me të!Këshilla ju vjen nga një pilot i mirë që respektoi prodhuesin… dikur. Sigurisht.
