“S’do paguajnë taksa”/ Plani i kryebashkiakut të Kukësit për të rikthyer të rinjtë nga Britania e Madhe

Shqipëria dhe kryesisht veriu i vendit, është duke u përballur me një “eksod”, pasi shumë të rinj kanëvendosur të largohen drejt vendeve të Evropës perëndimore.

Qyteti i Kukësit është një ndër më të “goditurit”, pasi të rinjtë kanë zgjedhur të largohen drejt Britanisë së Madhe. Por për këtë problem, duket se kryebashkiaku i “sapo zgjedhur” Albert Halialj e ka një zgjidhje.

Halilaj ka dhënë një intervistë për median britanike “The Express”, ai u zotua se “të gjithë ata që kthehen nga Anglia dhe nisin një biznes të ri nuk do të paguajnë taksa për dy vjet si një mënyrë për t’i ndihmuar ata të fillojnë një jetë të re në Kukës”.

Ai shtoi se Ambasada Britanike po përpiqet gjithashtu të ndihmojë me ndihma financiare dhe se po bëhen përpjekje për integrimi ne tyr në shoqëri.

“The Express”, vijon më tek duke e cilësuar Kukësin si një nga rajonet më të varfra të Shqipërisë.

“E vendosur afër kufirit me Kosovën, rajoni i kryetarit Halilaj ka humbur më shumë se gjysmën e popullsisë për shkak të migrimit që nga viti 1990, me një numër të konsiderueshëm të vendosur në Britani. Një sondazh i fundit zbuloi se dy të tretat e atyre që ishin të interesuar të largoheshin nga Kukësi në 2023 dëshironin të transferoheshin në Britani.”- thuhet në artikull.

I pyetur se si ndihej për kaq shumë të rinj vendas që ishin të gatshëm të rrezikonin jetën e tyre për të shkëmbyer Kukësin me një jetë të re në Britani, kryebashkiaku Halilaj u përgjigj se nuk ishte dakord me zgjedhje të tilla dhe shprehu një angazhim për të ndryshuar mendje.

“Ne jemi kundër njerëzve që shkojnë ilegalisht në Angli. Por gjërat do të ndryshojnë, njerëzit do të përpiqen të gjejnë mënyra të ndryshme për të fituar para. Kushdo që kthehet nga Anglia dhe fillon një biznes të ri nuk do të paguajë taksa për dy vjet si një mënyrë për t’i ndihmuar ata të fillojnë një jetë të re në Kukës,”– tha ai.