Michael Schumacher ka filluar ta rimarrë veten, dy vjet pas kalimit në gjendje koma për shkak të përplasjes së kokës kur bënte ski.
Këtë e ka bërë të ditur zëdhënësja e familjes, Sabine Kehm, e cila ka pohuar se ka përmirësime të gjendjes shëndetësore të ish-pilotit të Formula 1.
“Ne jemi të lumtur të themi se ka përmirësime dhe këtë e them gjithmonë duke pasur parasysh lëndimin që ka marrë Schumi”.
“Por, sigurisht që do të marrë shumë kohë për shërimin e plotë. Jemi të lumtur me përpjekjet që ai po bën”, tha Kehm.
Ajo gjithashtu zbuloi se deri tani familja e ish-pilotit gjerman ka shpenzuar për shërimin e tij mbi 15 milionë euro.
