Tensionet në rritje midis Teheranit dhe Riadit kanë arritur edhe arenën sportive. Federata saudite e futbollit ka njoftuar se nuk do të marrë pjesë në ndeshjet në Iran, duke përmendur shqetësimet për sigurinë. Kjo federatë ka përmendur veçanërisht sulmin ndaj ambasadës saudite në Teheran dhe ka kërkuar nga Konfederata Aziatike e Futbollit që ndeshjet midis Arabisë Saudite dhe Iranit të zhvendosen në vende neutrale. I menjëhershëm ka qenë reagimi i zyrtarit iranian të futbollit, Asghar Bagherian, i cili ka thënë se “politika nuk ka vend në futboll”. Ndeshjet që përfshijnë ekipet saudite dhe iraniane aktualisht janë të planifikuara në janar dhe shkurt. Tensionet midis Arabisë Saudite dhe Iranit janë në rritje prejse autoritetet saudite kanë ekzekutuar një klerik shiit, më 2 janar. Në shenjë kundërshtimi, protestuesit iranianë kanë djegur ambasadën saudite në Teheran.
Sauditët refuzojnë të luajnë futboll në Iran
