Policia ka sekuestruar 36.5 kg lëndë narkotike të llojit “Cannabis sattiva”!
Arrestohet poseduesi i lëndës narkotike, sekuestrohet një Kamion!
Arrestohet në flagrancë, shtetasi:
>> Adem Alushi, 59 vjeç, banues në Sarandë.
Shërbimet e Policisë të Pikës Kufitare “Qafë Bot” Sarandë, gjatë kontrollit të ushtruar në mjetin e këtij shtetasi, tip Kamion “Benz-Mercedez”, me targë: AA663FR, kanë gjetur dhe sekuestruar një sasi lënde narkotike me peshë totale prej 36.5 kg “Cannabis”, e cila ishte e ndarë në 35 pako dhe e fshehur brënda në depozitën e karburantit (serbrator) në një vend të hapur posaçërisht për fshehjen e lëndës.
