Policia e Elbasanit arrestoi një person i cili dyshohet për disa grabitje të armatosura të kryera ditët e fundit në këtë qytet. Uniformat blu prangosën 28 vjeçarin me inicialet L.Q., ndaj të cilit rëndon akuza për të paktën 4 grabitje të dokumentuara nga hetuesit. Ky shtetas rezulton të jetë dënuar më parë në shtetin grek për vrasje.
Njoftim për shtyp
Dokumentohen vjedhjet e ndodhura ditët e fundit në Elbasan me armë e maska
Identifikohet njëri prej autorëve, të cilit gjatë kontrollit të banesës i gjenden dhe sekuestrohen sendet e mëposhtme:
Sekuestrohet një pushkë model 54 me Nr 45690, 6 copë fishekë, një thikë dhe dy maska
Specialistët për Krimet e Rënda në Drejtorinë Vendore të Policisë Elbasan, në bashkëpunim me shërbimet e Komisariatit të Policisë Elbasan si dhe me Prokurorinë e Rrethit Gjyqësor Elbasan, si rezultat i një pune të mirëorganizuar bënë të mundur dokumentimin ligjor dhe identifikimin e autorit për vjedhjet e ndodhura në Elbasan.
Nga informacionet e marra në rrugë operative si dhe si rezultat i veprimeve të shpejta operacionale dhe hetimore, Specialistët për krimet e Rënda ushtruan një kontroll në banesën e shtetasit L.Q vjeç 28, banues në fshatin Shalës Elbasan, i dënuar më parë në shtetin grek për veprën penale të “Vrasjes”.
Gjatë kontrollit të ushtruar në banesën e tij u gjet dhe u sekuestruan në cilësinë e provës materiale:
- Një pushkë model -56 me Nr 45690, me 6 copë fishekë,
- Një thikë,
- Dy maska.
Gjithashtu nga veprimet e kryera rezulton se shtetasi L.Q, I shpallur në kërkim, është autor i dyshuar i këtyre ngjarjeve:
1-Vjedhje me armë , e mbetur në tentave të karburantit “ADOll”në fshatin Papër Elbasan, në pronësi të shtetasit A. D, ndodhur më datë 25.11.2015,
2-Vjedhje me armë e karburantit në Cerrik, në pronësi të shtetasit A.E , ngjarje e ndodhur më datë 08.10.2015.
3-Vjedhje me dhunë e karburantit në fshatin Trojas – Belsh, në pronësi të shtetasit L.P, ngjarje e ndodhur më datë 12.10.2015.
4-Vjedhje me dhunë e karburantit në fshatin Valas Elbasan, në pronësi të shtetasit S.M ngjarje e ndodhur me datë 15.11.2015.
Po punohet intensivisht për kapjen e shtetasit L.Q si dhe identifikimin dhe kapjen e bashkëpunëtorëve të këtij shtetasi.
Materialet i’u kaluan Prokurorisë së Rrethit Gjyqësor Elbasan për veprime të mëtejshme për veprat penale “Vjedhja me dhunë” “Vjedhja me armë, kryer në bashkëpunim” parashikuar nga nenet 139, 140 dhe 25 të Kodit Penal.
