Një aksident rrugor është regjistruar pasditen e sotme në zonën e Finiqit. Një 29-vjeçar i cili udhëtonte me motor, është përplasur me një autobus me drejtues shtetasin V.Z.
Si pasojë e përplasjes, ka mbetur e dëmtuar pasagjerja e cila udhëtonte në motor.
Shtetasja me iniciale A.D. 25 vjeç, është dërguar në spital ku ndodhet nën kujdesin e mjekëve.
Njoftimi i policisë:
Sot, rreth orës 18:20, në Mesopotam, Finiq, një motomjet me drejtues shtetasin M. Z., 29 vjeç, është përplasur me një mjet autobus me drejtues shtetasin V. Z., 55 vjeç. Si pasojë e përplasjes ka mbetur e dëmtuar pasagjerja shtetasja A. D., 25 vjeçe, e cila udhëtonte në motomjet dhe ndodhet jashtë rrezikut për jetën.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
/e.d
