Autobuzi i një grupi studentësh të cilët po ktheheshin nga Saranda për në Tiranë, është përplasur me një automjet në zonën e njohur si qafa e Muzinës.
Disa prej të plagosurve që janë dërguar në spitalin e Gjirokastrës janë transportuar më pas me helikopter drejt Qendrës Spitalore të Traumës në kryeqytet për shkak të gjendjes së rëndë.
Policia e Sarandës tha se aksidenti ka ndodhur rreth orës 16:30 në aksin rrugor Sarandë Gjirokastër, ku automjeti i tipit veturë me targa greke KIB366 është përplasur me autobuzin me targa AA655KU. Në makinën e vogël udhëtonin dy çifte me 4 fëmijët e tyre si dhe shoferi. Të gjithë këta të fundit kanë mbetur të plagosur.
Të plagosuri janë:
Të rriturit
Feruz Lleshi, Rabie Lleshi, Aida Lleshi
Fëmijët
S.Lleshi, K.Lleshi, A.Lleshi, D.Lleshi
DEKLARATA E POLICISË
Rreth orës 16:30 ka ndodhur një aksident në aksin rrugor SarandëGjirokastër pranë vendit të quajtur “Qafa e Muzinës”, ku paraprakisht dyshohet se një automjet me targë greke KIB366 është përplasur me një autobus me targë AA655KU dhe për pasojë kanë marrë dëmtime 7 persona. Të dëmtuarit ndodheshin në automjetin me targë të huaj, konkretisht janë lënduar drejtuesi i mjetit, dy bashkëshortë si dhe 4 fëmijët e tyre. Po punohet për të mësuar gjeneralitetet e tyre
Shërbimet e Policisë ndodhen në vendin e ngjarjes, bashkë me shërbime të tjera mbështetëse në ndihmë të personave të lënduar, të cilët janë transportuar në drejtim të Spitalit të Gjirokastrës. Sqarojmë se autobusi ishte me studentë nga Tirana për ekskursion në Sarandë, aktualisht në kthim për Tiranë, brenda të cilit nuk ka asnjë person të lënduar. Gjithashtu në këtë aks rruga është e lirë, ka filluar qarkullimi i automjeteve pa probleme. Policia po punon për sqarimin e shkaqeve të aksidentit.
Foto janë të të plagosurve në spital. KUJDES, pamje të rënda
/java/a.k