Për shkak të bllokimit të rrugëve sot dhe neser nga Samiti i Komunitetit Politik Europian, Aeroporti Ndërkombëtar “Nënë Tereza” njofton pasagjerët që të paraqiten në terminal 4 orë para udhëtimit të tyre.
Njëkohësisht pasagjerët duhet të kenë parasysh se linjat ajrore mund të kenë ndryshime orari dhe sugjerohet kontrolli i e-maileve apo mesazheve për çdo informim të ri, përfundon njoftimi i aeroportit “Nënë Tereza”.
Më 15 dhe 16 maj 2025, për shkak të zhvillimit të Samitit Evropian (European Summit) në Tiranë, priten bllokime të konsiderueshme të rrugëve në qytet dhe zonat përreth. Këto bllokime mund të ndikojnë në kohën e udhëtimit drejt Aeroportit Ndërkombëtar të Tiranës (TIA), ndaj rekomandohet që udhëtarët të paraqiten në terminal të paktën 4 orë përpara fluturimit.
Për më tepër, linjat ajrore mund të kenë ndryshime në oraret e fluturimeve për këto dy ditë. Kontrolloni rregullisht email-et dhe SMS-t për çdo informacion të ri nga kompania ajrore.
Për të pasur një udhëtim të qetë dhe pa stres, bëni check-in online dhe mbani kartën e imbarkimit në telefonin tuaj. TIA ju këshillon të jeni të përgatitur për të shmangur vonesat dhe për të shijuar udhëtimin tuaj pa probleme.
