Kryeministri Edi Rama ka përgëzuar kryebashkiakun Erion Veliaj për punën cilësore që është bërë për ndërtimin e sallës së re të koncerteve “Tonin Harapi” në Liceun Artistik “Jordan Misja”. Duke folur para nxënësve të kësaj shkolle, Rama theksoi se është bërë një punë e shkëlqyer dhe spektakolare.
“Kur erdhën këtu erdha këtu dhe më çuan lart, s’po kuptoja pse duhet të shkonim lart. Thash Erioni do të më tregojë Tiranën nga tarraca e liceut. Por e vërteta është që është bërë një punë e shkëlqyer dhe lozha sipër është jashtëzakonisht spektalokare”, tha Rama
Kreu I qeverisë solli në vëmendje edhe gjendjen e mjeruar që ka pasur kjo shkollë sa i përket infrastrukturës. “Vijmë për ta çelur këtë sallë, sepse më kujtohet shumë mirë kur kemi qenë këtu për ristrukturimin e godinës ekzistuese dhe faktikisht u bë një koncert shumë i bukur jashtë, por sallë këtu nuk kishte. Ndihmuam edhe për ardhjen e pianove të reja. Sot u bë e mundur të jemi këtu, më duket se është bërë një punë shumë e mirë dhe sigurisht u takon atyre që do ta kenë nën kujdes ta mirëmbajnë dhe tua lënë në kushte të mira edhe atyre që vijnë më pas. Ndërkohë që hymë këtu dhe po ndiqja fjalët e drejtoreshës dhe pastaj Erionit më çoi kujtesa shumë mbrapa kur ky ishte një lice shumë modest nga pikëpamja e infrastrukturës. Liceu që ka nxjerrë gjithë ata artistë të jashtëzakonshëm, përmendi Ermonela Jahon, Sajmirin, ….ishte shumë modest nga pikëpamja e infrastrukturës por kishte shumë passion”, deklaroi Rama. Nga sot, artistët e rinj kanë një sallë moderne ku mund të shpalosin talentin tyre dhe të përballen me emocionet para publikut artdashës që do i ndjekë në rrugëtimin e tyre të gjatë.
/a.meta
