Dëshmia e drejtorit të Përgjithshëm të Policisë së Shtetit, Muhamet Rrumbullaku, në komisionin hetimor për të dhënat e sistemit TIMS, do të jepet me dyer të mbyllura.
Pas disa minutash debate, komisioni ka hedhur në votim kërkesën e nënkryetarit Toni Gogu. Me shumicë votash të anëtarëve të PS në këtë komision, është miratuar që Rrumbullaku ta japë dëshminë me dyer të mbyllura.
“Ky organ flet përmes vendimmarrjes dhe vendimmarrja ka qenë që të shtyhet derisa anëtarët të pajiseshin me certifikatë sigurie, shumica janë pajisur me certifikatë sigurie, administruam dëshminë e zotit Taulant Balla. Kërkesën formale të drejtorit ta hidhni në votim, mbledhja të vijojë me dyer të mbyllura”, tha Gogu.
Në po këtë mënyrë dëshmoi më herët edhe ministri i Brendshëm, Taulant Balla. Pas Rrumbullakut pritet që të thirret për dëshmi edhe Ervin Muça, drejtori i IT në Policinë e Shtetit./m.j
