Kandidati i PD në Korçë, Ervin Salianji, ka publikuar sot videon e një komisionereje teksa tenton të nxjerrë një apo disa fletë nga një kuti votimi.
Sipas Salianjit, komisionerja i përket Partisë Socialiste po tenton të nxjerrë votën e dikujt për të vërtetuar nëse ka votuar për PS.
Mirëpo i çuditshëm është fakti sesi komisionerët e PD e kanë lejuar ta kryejë këtë veprim? Dhe akoma më e habitshme dhe skandaloze është pjesa e filmimit. Ndërsa ndalohet përdorimi dhe filmimi në qendrat e votimit, duket se komisionerët e PD në Korçë nuk e kanë pasur problem të përdorin kamerën.
Sipas burimeve nga Korça, rasti në fjalë lidhet me hedhjen e një procerverbali gabimisht në kutinë e votimit dhe anëtarët e komisionit kanë rënë dakord për të tentuar ta nxjerrin. Por duket se komisionerja e PS ka rënë ‘viktimë’ ngjarjes. /javanews/b.d
