Gjatë mbledhjes së sotme të zhvilluar në Këshillin Kombëtar të PD-së, deputeti i PD-së Ervin Salianji është shprehur se pas në 18 dhjetor Kuvendi zgjodhi të ardhmen duke u ndarë nga çdo e keqe e së shkuarës .
Ai gjithashtu u shpreh se tashmë është koha të kthehet gara dhe vota dhe jo emërimet.
Më tej është shprehur se foltorja nuk arriti qëllimin e saj për të delegjitimuar institucionet të PD-së.
Kështu Salianji i ka dalë kundër Bashës dhe i ka bërë thirrje që të heqin mendjen një herë e mirë nga Berisha dhe nga mënyrat si vepronte në parti.
“Ky është Këshilli i parë pas Kuvendit të datës 18 dhjetor, u pa qartë që foltorja nuk arriti qëllimin për të deligjitimuar asnjë instuticon të PD-së.
Po ashtu herën e kaluar në këtë Këshill u votua me votim të hapur dhe nuk kishte asnjë kontestim. Pritshmëria e demokratëve dhe shqiptarëve nga ne është shumë e madhe.
Duke qenë se kjo mbledhje është mbledhja e parë pasi Kuvendi Kombëtar i datës 18 dhjetor, kjo do të thotë që zgjodhëm të ardhmen duke u ndarë nga çdo praktikë e keqe e së shkuarës.
Mendoj që gara është themeli se si duhet të përmirësohet shtëpia jonë PD. Duke qenë se jam i zgjedhur vetë anëtar kryesie dhe nuk kam ambicie të tjera, propozoj që të kemi votim të fshehtë dhe të propozoni alternativa të tjera për pozicionet,” tha Salianji në mbledhjen e PD-së./m.j
