Avokati i Berishës, Genc Gjokutaj, ka kritikuar shefin e vet, se nuk e ka pstruar Partinë Demokratike nga njerëzit e Sorosit.
Sipas tij, ata bashkëpunojnë fshehurazi me Ramën.
Postimi i Gjokutajt
Xhorxh Soros & sons & co janë një sekt politiko financiar keqbërës kudo ku kanë shkelur nëpër botë dhe posaçërisht në Shqipëri!
Të afërt dhe bashkëpunëtorë me shqipfolësit e Qeverisë dhe Rilindjes në bashkëpunin dhe bashkëfinancim ata shpopulluan Shqipërinë, po ligjërojnë prindin 1 dhe prindin 2 nëpërmjet homomartesave, po luftojnë kundër identitetit tonë kombëtar dhe krimi më makabër që projektuan dhe po e zbatojnë është burgosja, atrofizimi deri në asgjësim i Opozitës!
Kjo platformë e Soros nuk mund të realizohej pa kontributin e sorosjanëve këtu në Shqipëri!
Me ardhjen në pushtet të Ramës dhe Rilindjes sorosjanët dolen nga muret e Fondacionit dhe hynë në Qeveri! Por mbetje të tyre i gjen fatkeqësisht sot edhe në Opozitë!
Desorosifikimi i shoqërisë shqiptare është një plan perspektiv i cili kerkon domosdoshmërisht rotacion politik!
Por desorosifikimi i Opozitës dhe posaçërisht i PD është plan emergjent pasi zgjedhjet e Tiranës nuk presin dhe nuk durojnë dot asnjë firo!
Pastrimi i shtëpisë si detyrë e caktuar nga Lideri Berisha ditën e lirimit të tij nga arresti sorosjan po ecën ngadale për të mos thënë fare!
Kjo ndodh ne një kohë kur aleati ynë strategjik konservator Presidenti Trump dhe ShBA kane filluar pastrimin ligjor dhe praktik te shtëpisë së tyre nga tumori Soros!
Ndersa në Tiranë po miratohet ligji prindi 1 dhe 2!
Të nderuar Demokratë!
Vetëdeklarimi i pjesëmarrjes në Fondacionin “Shoqëria e Hapur” të Xhorxh Soros duhet të kthehet në obligim për çdo anëtar dhe simpatizant të Opozitës dhe PD!
E lëre pastaj për kandidatët e saj në nivel qendror apo lokal!
Nëse nuk bëjmë këtë shtëpinë tonë Opozitare do ta lemë pa pastruar! E midis atij pisllëku nuk do të na hyjë kërkush në derë as i huaj e as shqiptar madje do të dalim edhe vetë jashtë duke braktisur shtëpinë e duke e lënë edhe pis edhe me turp!
Lufta me seanca dhe pazare me hasmin nuk ekziston logjikisht dhe ndershmërisht!
Ajo ka një shkak madhor kur fillon dhe duhet medoemos ti shkohet deri në fund dhe me fitore!
Për Shqipërinë dhe brezat e mbetur mes 4 rrugëve nga Kompania Sorosjane në pushtet!
Ti thuash sorosjan Xhorxh Sorosit nuk bën asnjë gabim!
Por ti thërrasësh sorosjan shqipfolësve tanë në pushtet dhe të bashkëpunosh hapur apo fshehurazi me ta është tradheti kombetare qe duhet ndeshkuar çdo minutë madje edhe në ëndrra duke fjetur gjumë!
Ndryshe lodhemi kot!
