Nga Spartak Ngjela
Nuk mund t’i shpëtosh më ndëshkimit me arsye pseudoprocesuale, Sali.
Reforma në Drejtësi është penalizimit i abuzuesve me pushtetin.
Kjo ështe e vërteta që po “vret Salun”. Nuk fiton dot më Saliu, shqiptarët kanë me vete të vërtetën. E vërteta do çlirohet në Shqipëri. Kjo është Reforma: çlirimi i të vërtetës…
Të gjitha kahjet e ecurisë historike të Shqipërisë sot konvergojnë në një pikë:
ndëshkimi i keqbërësve aktualë të popullit shqiptar.
Kjo është Reforma në Drejtësi.Të tjerat janë fjalë boshe për të kaluar radhën. Gjyqtarëve të zgjedhur nga të dy krahët e politikës u ka ardhur fundi. Pse lodheni , o të mjerë. Nuk cedon Amerika në këtë pikë.
Çdo të thotë për historinë që, këta abuzues të mëdhenj që kanë krijuar rrokopujën aktuale të shoqërisë shqiptare, na paskan të drejtë vote në Parlamentin shqiptar? Asgjë. Perëndimi kërkon botëkuptim perëndimor për drejtësi në Shqipëri, dhe shkallmimin e shehriait aktual…
Duhet të ndalojmë agresionin kunder shqiptarëve dhe Shqipërisë. Kjo është kërkesa imediate e kohës sonë. Me ne në ketë luftë janë edhe aleatët amerikano-gjermanë
Po aleatët tanë ç’duhet të bëjnë tani që çeshtja ka hyrë në sbsurd?
Your Exellency american Ambasador Mr Donald Lu, pse i “duroni” akoma këta gangsterë? Bëjani të qartë shqiptarëve të gjitha bëmat ndërkombëtare të Berishës, Metës e kompani. Hapni “thesin”, Mr Lu, se ky është nje moment historik! Për shqiptarët historia e tyre ështe takuar pas 500 vjetësh me faktin historik: Shqipëria do të hyjë ne rrjedhën e saj natyrore: në qytetërimin perëndimor. Këta otomanë janë forca e fundit e regresit otoman në Shqiperi; prandaj politika amerikane duhet të përdorë të gjithë personalitetin absolut që kanë sot Shtetet e Bashkuara të Amerikës në Shqipëri. Kurse kryeministri shqiptar nuk duhet ta zgjasë më ketë lojë gjojakonsensuale. Zoti Rama, ju po tregoni tkurrje në pozicionin tuaj politik: ose me interesin e shqiptareve të “djegur” për Drejtesi, ose me hordhitë berishiane dhe banditët injorantë të Metës… Ose me interesin shqiptaro – amerikan, ose në humnerën historike të neootomanizmit shqiptar. Rrugë tjetër nuk ka. Nëse edhe ti mendon se mund ta shtysh këtë rrugë, kujtohu zoti Rama, se koha të dha një të drejtë dhe një rast që ka qenë jashtë kapacitetit tënd politik, por, nëse e mendon politikën amerikane lojë joprofesionale, kujtohu që atyre që u ke thënë Po! kundër banditizmit shqiptar, nuk janë mjekë fshati dhe as ngritës peshash, por epiqendra intelektive e zhvillimit botëror.
Shqiptarët janë drejt shpëtimit të tyre historik, dhe, nëse abuzuesit aktualë mendojnë të shpëtojnë nga pesha ndëshkuese e kohës me kërkesa parlamentare pseudoproceduriale, ashtu siç kane kaluar gjyqet e vjedhjeve të tyre, e kanë të kotë. Reforma eshte e pacenueshme… gjyqtarët, kurrë mos e mendoni se mund t’i pranojë ekspertiza amerikane që ka marrë në dorë shpëtimin historik shqiptar, që të
mund të zgjidhen nga politika.
Jemi në fund.
Nuk ka asnjë rast në botën demokratike që korrupsioni shtetëror të ketë shpëtuar me procedurë… Ja dhe nje këngë labe:
Një nga një,
e që të tërë
Do kaloni nga ajo vërë.
Shqiptarët presin zhdëmtimin e tyre historik. Ai sikur ka ardhur.
