Gara për kryetarin e Partisë Demokratike ka bërë që tonet brenda për brenda PD-së të jenë të ashpra.
Me retorikë të ashpër e nisi sot në 2 maj ditën kryedemokrati Sali Berisha. Ai tha se Salianji është shitur kur ka qenë në burg dhe se është vendosur në shërbim të kryeministrit Edi Rama. Sipas Berishës, nuk është përjashtuar askush nga gara për kryetarin e Partisë Demokratike, por se nuk janë lejuar të kandidojnë, persona që kanë bërë fushatë kundër partisë më të madhe opozitare.
I menjëhershëm ka qenë reagimi i ish-deputetit demokrat Ervin Salianji. Ai thotë se Berisha është një plak i lumtur në azilin e Ramës. E akuzon kryedemokratin se bën para nga qeveria e Ramës. Madje, i thotë se është “legenosur” në pleqëri dhe se për lekë shet shpirtin.
Postimi i Ervin Salianjit:
Sali “kolltuku”, plaku i lumtur në azilin e Ramës! Unë bëj burg, ti Sali bën lek nga regjimi i Ramës!
Ty Sali, të nxjerr Rama nga burgu se i duhesh, mua më fut në burg Rama se e mund, por për mjeranin e azilit të Ramës që je kthyer ti, unë që bëj burg “shitem”.
Me Ballukun ti Sali merr leje, licenca e tendera, por unë zhurmoj. O zoti fosile, Ballukun dhe Agasin nuk i bashkoi dot Rama, jo unë. I vetmi që i ke bashkuar në një formë je ti, se paguheshe nga të dy edhe nga Agasi, edhe nga Balluku. Prandaj nuk i nxjerr dot dosjet e të dyve. Publikoji të plota, frikacak.
Ti Sali për lek shet edhe shpirtin. Nuk të mjaftojnë koncesionet, lejet, kullat, tenderat, minierat, hidrocentralet, parqet, bregdeti dhe malet që po i shqyen bashkë me Ramën; dhe për të përfituar këto, nuk ke asnjë merak të legenosesh!
Sali “kolltuku”, ti sa herë flet, legenosesh; por të jesh kaq i ulët moralisht në moshën 82-vjeçare është gëzimi më i madh për çdo njeri që s’të do mjafton të të shohë si je katandisur dhe e merr “satisfaksionin” e jetës.
Tani, meqë legenosesh me burgun, unë nuk ia fal as Ramës dhe as ty 1 vit heqje lirie, as heqjen e mandatit dhe as ndalimin e kandidimit. Njësoj si Rama edhe ti: ai më ndaloi kandidimin për deputet, ti për kryetar.
I vetmi njeri që është marrë në patronazh nga Rama je ti. Të ka parkuar në azil luksi e të jem ushqimin qe do ti, paratë! Je me halle me drejtësinë dhe të mbajnë peng, prandaj nuk lejon garë. Nuk ke bërë asnjë ditë burg, ndërkohë që i vetmi deputet dhe zyrtar i PD që ka bërë burg pa pasur asnjë ditë pushtet jam unë, me dakordësinë e regjimit Rama–Berisha.
Por ti njihesh si mosmirënjohës, që e ha fjalën dhe gjithçka që ke bërë vetë ia ngjit kundërshtarit.
Të mban Rama në azil luksi, duke të dhënë garanci që ti nuk prekesh nga ligji; prandaj nuk lejon garë. Por do çmontohesh Sali, do çmontohesh si kambalec i Edi Ramës, do çmontohesh si segmenti i keqpërdorur dhe i blerë nga Edi Rama. Do ju çmontojmë të dyve, e ke marrë rrugën!
Edhe pse disa demokratë u vetëofruan në garën për kryetar të Partisë Demokratike, ata u skualifikuan. Mes tyre dhe ish-deputeti Ervin Salianji. Sipas PD, kandidatët nuk plotësonin kriteret e duhura.
