“Qytetari digjital” i Berishës nuk merr nëpër gojë vetëm njerëz nga të gjitha qytetet e fshatrat e Shqipërisë, por edhe të huaj. Një nga këto është një qytetar Italian, i cili jeton prej kohësh në Shqipëri.
Ai është një bloger turizmi, ku ndiqet nga bashkëatdhetarët për guidat e detajuara mbi sitet dhe destinacionet e Shqipërisë. Një nga videot e tij, ku ai ka një vështrim analitik mbi raportin cilësi çmim, është përdorur nga Berisha, gjë që ai e shikon të padrejtë. Në një video të publikuar ai thotë se edhe pse jeton në Shqipëri, ai nuk e ka shtetësinë shqiptare e nuk voton. Për këtë i duket e padrejtë që është përdorur nga Sali Berisha. Ndërkaq, deputeti i PS-së i qarkut Vlorë Ilir Metaj, ka publikuar një postim ku i bën thirrje politikës që të mos trazojë jetën e të ahuajve që jetojnë në Shqipëri.
Shkrimi i Ilir Metajt
Miku im Max, italian që jeton prej vitesh në Vlorë, është blogger mjaft i ndjekur, ku në faqen e tij “La mia nuova vita in Albania”,ai shpërndan video nga përditshmëria e jetës në Vlorë por edhe kudo në Shqipëri.
Së fundi një video e Max, ku ai ngre shqetësimin për raportin jo të mirë çmim/cilësi shërbimesh, në disa struktura hoteliere që kanë ngritur shumë çmimet,sidomos në Jug, u keqpërdor me qëllim nga Sali Berisha.
Saliu e prezantoi videon si “demaskim turistësh ndaj propagandës qeveritare mbi turizmin.”
Ky është reagimi i Max, që i keqardhur për keqpërdorimin politik nga Sali Berisha, midis të tjerash tregon se nuk flet si turist, sepse ndihet shqiptar përsa jeton këtu dhe është rezident në Vlorë.
Thotë se nuk ka anësi politike, por sigurisht që ka zgjedhur të jetojë në Vlorë pikërisht për zhvillimin e jashtëzakonshëm që ka marrë ky qytet vitet e fundit,ashtu si dhe gjithë Shqipëria, drejt shndërrimit-eksploziv në një destinacion turistik të shkëlqyer në Europë.
Çiao Max!
Vazhdo rrugën tënde miku im!
Ecim Vetëm Përpara!
