Sulmuesi i Liverpoolit, Mohamed Salah, ka kërkuar nga ekipi i tij që të vazhdojnë serinë e rezultateve pozitive pasi mposhtën Mariborin me rezultat 7 me 0 në Ligën e Kampionëve.
Salah realizoi dy gola për t’i ndihmuar Liverpoolit që të sigurojë fitoren më të lartë ndonjëherë në Europë.
Liverpooli ka fituar vetëm një nga tetë ndeshjet e mëparshme dhe të dielën i shkon Tottenhamit në Wembley, por Salah shpreson se forma duhet të përmirësohet edhe në Premier Ligë.
“Ishte ndeshje e mirë, luajtëm mirë, ishte rezultat i rëndësishëm për ne dhe duhet të vazhdojmë kështu”, ka thënë Salah për BT Sport.
“Jam shumë i lumtur, tani duhet të përqendrohemi që të përmirësojmë rezultatet në Premier Ligë. Patëm fat të keq në tri-katër ndeshjet e fundit. Të gjithë ishin të bindur se rezultatet e mira do të vijnë”. (b.an)
