Atentati me 1 viktimë që ndodhi mbrëmjen e së premtes në Milot dyshohet se ka lidhje me atentatin e Fushë-Krujës ku mbetën të vrarë 3 persona. Njëri prej shënjestrave, Ylli Ibrahimi që mbeti i plagosur dhe ndodhet në spitalin e Traumës, mësohet se kishte lidhje me Ervis Martinaj.
Saga e vrasjeve duket sikur nuk ka fund pasi duket se miqtë apo bashkëpunëtorët e Martinajt po bien pre e atentateve nga persona që dyshohet të jenë rivalët e tij. Rasti i fundit ishte i Fushë-Krujës kur u zu në pritë 23-vjeçari Brilant Martinaj së bashku me dy shokët Diklen Vata dhe Besmir Hoxha.
Gjithashtu, në gusht të vitit 2019 në Tiranë u ekzekutua ish polici Santiago Malko, ndërsa në hetimet e SPAK nënvizohet se plani ishte edhe vrasja e Ervis Martinaj. Për këtë vrasje, u dënua vetëm Bledi Teta me 25 burg. Në kërkim janë Leonard dhe Erlis Duka dhe disa persona te tjerë të cilët kishin rol në këtë organizimin dhe ekzekutimin e Malkos.
Ndërsa në 13 nentor te vitit të kaluar po në Tiranë do ekzekutohej Erigers Mihasi, i cili njihej si shok i ngushtë i Ervis Martinajt, ndërsa viktima tjetër Armando Dumani pasagjeri që ndodhej me të në Audin e bardhë, rezulton se është fqinj i tij në Yrshek./ shqiptarja.com
g.kosovari
