Përkundër që nuk luajti në përballjen e Shqipërisë ndaj Izraelit sulmuesi i Kuqezinjve, Armando Sadiku pas takimit ka deklaruar se izraelitët kanë luajtur me nervat e futbollistëve shqiptarë dhe ia arritën të kenë sukses.
Izraeli e mposhti Shqipërinë në Elbasan me rezultat 0-3, me ekipin e De Biasit që mbeti me nëntë lojtarë në fushë pas përjashtimit të Gjimshitit dhe Berishës, transmeton Koha.net.
Sadiku nuk luajti për shkak të një lëndimi.
“Sot ishim të pafat. Kundërshtarët luajtën me nervat tona dhe ia dolën. Trajneri vendosi që të mos rrezikonte me mua, përkundër dëshirës së trajnerit që të më vendoste së paku në bankinë”, ka thënë Sadiku. (b.an)
