Një tjetër qendër e madhe tregtare është përfshirë nga flakët mëngjesin e së hënës pranë Moskës, duke ngritur dyshimet se mund të bëhet fjalë për një akt sabotazhi, pasi incidente të ngjashme po përsëriten brenda pak ditësh në Rusi.
Qendra tregtare “StroyPark Mall” në Balashikha pothuajse u shkatërrua plotësisht, ndërkohë që zjarri ra në orët e para të mëngjesit, kur në ndërtesë nuk kishte asnjë person të pranishëm.
Ngjarja vjen disa ditë pas zjarrit në qendrën tregtare në Khimki, ku u regjistruan dëme të mëdha materiale ndërkohë që një person humbi jetën.
Autoritetet ruse ia vunë fajin materialeve të djegshme për shpejtësinë e përhapjes së flakëve, por askush nuk flet për mënyrën si nisi zjarri, duke rritur edhe më shumë dyshimet se mund të bëhet fjalë për një akt sabotazhi.
/a.r
