Sabit Brokaj: Hashashi pushtoi Shqipërinë pas thirrjeve nga Kokëdhima për legalizim
Sabit Brokaj, ish-Ministri i Mbrojtjes gjatë viteve 1997 – 1999, në një intervistë për një nga të përditshmet shqiptare ka bërë mjaft kritika për qeverisjen e majtë.
Sipas tij situatë mjaft e rëndë është ajo e hashashit. Ai thotë se hashashi që ka pushtuar Shqipërinë pas thirrjeve nga Koço Kokëdhima për legalizimin e tij.
“Fenomeni Lazarat, në vend që të minimozonte apo zhdukte problemin, bëri efektin e kundërt. Harta e Shqipërisë u ngjyros me kanabis nga jugu në veri. Ku është problemi? Këtu ka një anomali. Dhe anomalia ka të bëjë me thelbin e zbatimit të ligjit. Vetë politika nuk ishte e vendosur. Madje pati zëra që droga të lejohej”, shprehet Brokaj.
Ish-Ministri i Mbrojtjes shprehet pesimist për gjendjen ekonomike, ndërsa thotë se pas dy vjetësh në pushtet, e majta nuk duhet të justifikohet më me trashëgiminë e qeverisjes së Berishës. Në fund ai thotë se nuk ka besim se do të bëhet një reform në drejtësi. Sipas Brokajt, Shqipëria ka nevojë për një Di Pietro, si në Itali.
Redaksia Java News/ f.g
