Kryetarja e LSI Monika Kryemadhi ka shpërthyer keq mbrëmjen e sotme ndaj moderatores Eni Vasili, në emisionin e së cilës ishte e ftuar, dhe gazetarit Alban Dudushi.
Teksa flisnin për menaxhimin e pasojave të tërmetit nga Qeveria, Kryemadhi është “kapur” me Eni Vasilin duke i thënë se i ka bërë qoka live kryeministrit pasi ka transmetuar kronikat e tij, por dhe moderatroja nuk e ka lënë kryetaren e LSI pa përgjigje, shkruan newsbomb.al. Të kam ftuar dhe ty prej 16 ditësh, i tha moderatorja Kryemadhit duke u shprehur se e kishte bërë të vetën me të dhe Bashën pasi si pjesë e opozitës i kishte ftuar në emisionin e saj.
Por, debati nuk është mjaftuar vetëm me kaq, shkruan newsbomb.al. Me tone të forta Kryemadhi ka debatuar më pas me gazetarin Alban Dudushi duke i thënë se dhe ai i ka bërë qoka qeverisë, dhe në kujtesë i ka sjell një emision të vitit të kaluar me studentët. Mirëpo, i nxheur nga deklaratat me kryetares së LSI, Dudushi ka thënë se ajo (Kryemadhi) dhe Lulzim Basha i kishin sabotuar emisioni duke kërcënuar studentët.
Më poshtë debati i plotë i Kryemadhit me Eni Vasilin dhe Alban Dudushin:
Kryemadhi: Keni 16 ditë bëni propagandën e Ramës
Vasili: Sa herë të kam ftuar në këto 16 ditë, në telefon
Kryemadhi: Po sa e ndershme je ti në ftesat e tua?
Vasili: Sa e ndershme jam unë? Po hajde fol ti dhe … Pyete Lulim Bashën dhe thuaj
sa herë e kam ftuar
Kryemadhi: Po ti sje e ndershme në ato të tuat… Të mos i them tani në televizor më mirë
Vasili: Po mi thuaj
Kryemadhi: Pse s’ke bërë qoka live ti. Hë pra pranoje që s’ke bërë qoka
