Një makinë tip ‘Golf 4’ është përfshirë nga flakët duke u djegur në afërsi të Urës së Tapizës në aksin Fushë Krujë -Tiranë.
Ngjarja ka ndodhur rreth orës 21:30, ndërsa paraprakisht dyshohet se shkak i zjarrit ka qenë një defekt në sistemin elektrik të makinës me targa AA 239 DK, ngjyrë e bardhë.
Pronari i makinës Ardit Maxhaku ka dalë me shpejtësi duke mos pësuar lëndime. Drejt vendit të ngjarjes shkuan zjarrfikëset e Kamzës dhe Krujës.
