Pazar! As më shumë dhe as më pak, kjo është ajo që po ndodh me dekretimin e Sandër Lleshit i propozuar nga Kryeministri për Ministër të Brendshëm. Nuk është hera e parë që politika shqiptare më shumë sesa për zgjidhjen në funksion të stabilitetit të vendit, mendon per pazarin e radhes politik.
Ilir Meta ka figuren e politikanit te paparashikueshem ne arritjen e kompromiseve, por konsistent ne menyren sesi ka përtuar nga çdo situatë në favor të fatit të tij politik.
Historia e tij politike eshte nje lisharse dashurie dhe urrejtje, me figurat politike ne vend.
Ilir Meta është i vetmi politikan në Shqipëri që guxoi të arrestonte pas ngjarjeve të Tropojës, në vitin 2000 Sali Berishën, me të cilin sot bashkëdrejton Opozitën në vend.
Nuk e pengoi as posti i zv. kryeministrit me qeverinë e Nanos që pas përplasjeve të shkëputej prej tij dhe të krijonte me kurajo Lëvizjen Socialiste për Integrim, Partinë e tij.
Greva e urisë në 2008 për ndryshimet kushtetuese dukej se e ndau atë përfundimisht nga raporti me dy partitë më të mëdha në vend, PS dhe PD. Por, agresiviteti (të gjithë ju kujtohet sulmi mbi tavolinën e Jozena Topallit në Parlament) nuk e ndaloi që më 2009 të ndante pushtetin me PD-në! Prej këtij pazari Ilir Meta doli më i tuar, LSI merr 4 ministri duke u fuqizuar si asnjëherë.
Ishte pikërisht ky kapital politik dhe roli i tij si i domosdoshmi i politikës shqiptare që e bëri të kalojë me ndihmën e pakursyer të Sali Berishës ngjarjet e vitit 2011 kur Ilir Meta ishte arsyeja e protestës së 21 Janarit nga opozita e Edi Ramës, pas videos për një pazar, dhe në atë protestë u vranë 4 veta.
2013-ta, me ftohtësinë e një politikani që llogarit si askush çdo lëvizje në favor të vetes, e sjell Ilir Metën përsëri në pushtet, këtë radhë në bashkëjetesë me Edi Ramën ” fundërrinën politike” të cilin ishte betuar se do ta zhdukte nga skena.
Edi Rama, armiku i tij i betuar, kthehet në partnerin e tij të radhës për të ndarë pushtetin. Ilir Meta merr prapë 4 ministri dhe kryetarin e kuvendit, duke acaruar kështu marrëdhënien me Sali Berishen, deri dje shpëtimtari i tij.
Në gjithë këtë trajektore ku miqtë e armiqtë politikë i zënë vendit njëri-tjetrit sipas çmimit të pazarit të Ilir Metës, mesa duket ka një moment kur Ilir Meta humbet gjithmonë ftohtësinë: – Kur ndjehet i kërcënuar!
Sot ai është gjeneral i LSI dhe Presidenti i Republikës
Vetem ai e di se cila prej te dyjave i rri me pershtat..dhe po vec ai ka me shume frike nga ky dyzim rolesh
Në rast se dobësohet njeri, bie dhe tjetri.
Ky po është rast unikal i bashkëjetesës par excellence të pazarit me politikën, suksesi i
së cilës varet vetëm nga një sekret: të dukesh më i fortë edhe kur në të vërtetë nuk je/ Shënim redaksional i Tiranapost.al
