Këshilli i Sigurimit ka rrëzuar rezolutën e propozuar nga Shqipëria dhe SHBA që dënon Rusinë për sulmet në Ukrainë.
Tre shetet Kina, India dhe Emiratet e Bashkuara Arabe kanë abstenuar në votimin e hedhur në mbledhjen e zhvilluar në Këshillin e Sigurimit të OKB-së. Vota kundër ka ardhur nga Rusia, e cila ka të drejtën e vetos në këshill. Pra është rrëzuar kjo rezolutë e që jep kështu sinjalin e parë që asnjë shtet të fuqishëm nuk ka kundër, as Kinën dhe Indinë, si fuqi botërore. 11 anëtarë të Këshillit të Sigurimit kanë votua pro.
Rusia ka vënë veton ndaj një projekt-rezolute të Këshillit të Sigurimit të OKB-së që do të dënonte pushtimin e Ukrainës nga Moska, ndërsa Kina abstenoi nga votimi – një lëvizje që vendet perëndimore e shohin si një fitore për të treguar izolimin ndërkombëtar të Rusisë.
Emiratet e Bashkuara Arabe dhe India gjithashtu abstenuan nga votimi mbi tekstin e hartuar nga SHBA. 11 anëtarët e mbetur të këshillit votuan pro. Projekt-rezoluta pritet të shqyrtohet tani nga Asambleja e Përgjithshme e OKB-së prej 193 anëtarësh.
SHBA, Britania e Madhe, Shqipëria, Gaboni, Irlanda, Kenia, Meksika, Norvergjia, Gana, Brazili, Franca ishin shtetet që votuan pro kësaj projekt-rezolute.
Rezoluta
Projekt-rezoluta e ashpër, e propozuar nga Shtetet e Bashkuara dhe Shqipëria, mbështetet tek neni i shtatë i Kartës së OKB-së, që parashikon “veprim nga forcat ajrore, detare ose tokësore” për të ruajtur paqen dhe sigurinë ndërkombëtare.
“Si pjesëtarë të Kombeve të Bashkuara, duhet të zgjedhim”, shtrohet çështja në të. “Ose do t’i qëndrojmë Kartës së OKB-së, në mbrojtje të sovranitetit të Ukrainës, integritetit territorial të saj dhe pavarësisë, ose do t’i lejojmë Rusisë të na çojë pas në kohë, në epokën e imperializmit, kolonizimit dhe perandorive”.
Por ajo nuk ka të ngjarë të miratohet për shkak të së drejtës së vetos së Rusisë si anëtare e përhershme e Këshillit, thanë diplomatët.
Gjithsesi një zyrtar amerikan që nuk deshi të identifikohej tha se nga këndvështrimi i Uashingtonit, përdorimi i pritshëm i vetos nga ana e Moskës do të tregonte “izolimin” e Rusisë.
Zëvendës ambasadori rus në OKB, Dmitry Polyanskiy, vendi i të cilit mban presidencën e radhës të Këshillit të Sigurimit për muajin shkurt, konfirmoi për AFP-në se votimi do të mbahet të premten.
Një votim për një dokument të ngjashëm pritet të pasojë në Asamblenë e Përgjithshme të OKB-së, ku rezolutat nuk janë detyruese dhe ku 193 anëtarët e saj nuk kanë të drejtën e vetos.
Sipas projekt-rezolutës, të parë nga agjencia AFP, Këshilli i Sigurimit do të dënojë “me termat më të ashpra agresionin e Federatës Ruse kundër Ukrainës në kundërshtim me nenin 2, paragrafin 4 të Kartës së Kombeve të Bashkuara”, sipas së cilit asnjë nga shtetet anëtare nuk duhet të sulmojë vendet e tjera.
Nëse miratohet, projekt-rezoluta do t’i kërkonte gjithashtu Rusisë që “të ndërpresë menjëherë përdorimin e forcës kundër Ukrainës” dhe “të tërheqë menjëherë, plotësisht dhe pa kushte forcat e saj ushtarake nga territori i Ukrainës t’i kthente brenda kufijve të saj të njohur ndërkombëtarisht”.
Shtetet e Bashkuara dhe Shqipëria, një anëtare jo e përhershme e këshillit, shpresojnë të mbledhin sa më shumë vota pro midis 15 vendeve anëtare, sipas diplomatëve.
Në vitin 2014, pas aneksimit të Krimesë nga Rusia, një projekt-rezolutë që dënonte Moskën mori 13 vota pro. Kina abstenoi ndërsa Rusia ushtroi të drejtën e vetos.
Dokumenti u dërgua më pas në Asamblenë e Përgjithshme të OKB-së ku mori 100 vota pro. Njëmbëdhjetë vende votuan kundër, 58 abstenuan, ndërsa pjesa tjetër e anëtarëve nuk morën pjesë në votim./m.j
