Rusia vendos bllokadën për prodhimet ushqimore të Shqipërisë
Kryeministri Dimitri Medvedev tha se Shqipëria është shtuar në listën e shteteve që Federata Ruse i ka vendosur bllokadën e prodhimeve ushqimore.
Bashkë me Shqipërinë në listën e Rusisë janë shtuar edhe Islanda, Lihtenshtajni dhe Mali i Zi.
Lista e kryetarit të qeverisë ruse u publikua nga mediat në Tiranë paradreken e së enjtes, pa shumë detaje.
Po ashtu kryeministri rus Medvedev tha se Ukraina ka kohë deri më 1 janar 2016 për çështjet ekonomike.
“Nëse nuk arrijmë një marrëveshje, embargo do të hyjë në fuqi”, – tha kryeministri i Federatës Rusë, ish-presidenti Medvedev.
Në 11 gusht Medvedev udhëhoqi mbledhjen e parë të Komisionit Qeveritar për Zëvendësimin e Importit.
“Detyra e komisionit është që të krijojë kushte të përshtatshme për prodhuesit rusë në industritë dhe sektorët e ekonomisë që mbeten shumë të varura nga importet. Këto përfshijnë industrinë e makinave dhe nënsektorët e industrisë inxhinierike, radio-elektronikë, industrinë e lehtë, farmaceutike dhe industrinë mjekësore”-tha zoti Medvedev në mbledhje.
Ai shtoi se vendimet e para për zhvillimin e zëvendësimit të importit janë bërë në bujqësi dhe se plani i veçantë për të promovuar zëvendësimin e importit në bujqësi u miratua më herët se në sektorët e tjerë.
‘Ne rregulluam programin shtetëror për periudhën deri në vitin 2020, që ishte përshtatur për këto qëllime. Financimi shtesë është ndarë nga buxheti federal. Rreth në 240 miliard rubla do të ndahen për të mbështetur bujqësinë vetëm gjatë këtij viti. Ne po planifikojmë që ta mbajmë këtë nivel mbështetjeje edhe për vitin e ardhshëm”-tha kryeministri Medvedev.
Sot në mbledhjen e qeverisë, kryeministri Medvedev tha se vendimi i parë (i Qeverisë zgjeron) “listën e vendeve që janë subjekt i masave hakmarrëse ekonomike nga shteti ynë”:
“Tani, u shtohet listës së shteteve të Bashkimit Evropian, Australisë, Kanadasë, Norvegjisë dhe Shteteve të Bashkuara të Amerikës, e cila në gusht të vitit të kaluar kanë qenë të ndaluar shpërndarjen e llojeve të caktuara të prodhimeve bujqësore, një numër vendesh, përkatësisht Shqipëria, Mali i Zi, Islanda dhe Lihtenshtajni si dhe Ukraina në kushte të veçanta”.
