Gjatë fushatës presidenciale ka patur kontakte mes Rusisë dhe pjesëtarëve të fushatës së Trump. Lajmi është konfirmuar nga zv/ministri i jashtëm rus Riabkov, i cili shtoi se kontaktet do të intesifikohen pas zgjedhjeve, por duhet kujdes. Edhe kryeministri Medvedev u shpreh se presidenti i ri duhet të përpiqet të mbyllë faqet e trishta të viteve të fundit, dhe nëse e bën këtë edhe Moska do të veprojë njësoj.
Ndersa ministri i jashtëm rus, Lavrov u shpreh se “Moska shpreson të përmirësojë marrëdhëniet me SHBA pas zgjedhjes së Trump President” . “ Ne,- shtoi kreu i diplomacisë ruse,- respektojmë zgjedhjen e popullit amerikan. Urojmë që marrëdhëniet me dy shteteve të normalizohen pasi nuk kanë qënë shumë të mira deri më sot. Një marrëdhënie e mirë do të jetë në interes të popullit dhe komunitetit ndërkombëtar.”
Qeveria ruse është e gatshme për një dialog konstruktiv por nuk duket shumë euforike.
ma.me
