Donald Trump u shpall fitues i zgjedhjeve në SHBA më 9 nëntor, por atij do t’i duhet të presë deri më 20 janar 2017 që të zhvendoset në Shtëpinë e Bardhë. Deri atëherë, do të vazhdojë të jetojë në Trump Tower në New York.
Rezidenca e presidentit të ardhshëm është shndërruar menjëherë në një objekt të sigurisë së veçantë dhe tashmë është thuajse e pamundur të kalosh pranë saj apo të hysh brenda, pa kaluar më parë në sitën e shërbimit sekret.
Forca policore kanë rrethuar Trump Tower, ndërkohë që të gjithë punonjësit që hyjnë aty përditë tani kontrollohen me imtësi.
Deri në momentin e transferimit, në zonë do të ndalohen të gjitha fluturimet.
Ndërkaq, pas protestave, policia ka bërë të ditur se mund të arrestojë ata që protestojnë para Trump Tower.
