Aviacioni rus njoftoi sot se ka zhvilluar më shumë se 1 000 bombardime në Siri gjatë kësaj jave, ku shumica kanë shënjestruar instalime të naftës nën kontrollin e terroristëve dhe një bastion kryesor.
“Nga data 26 nëntor në 4 dhjetor, avionët rusë bombarduan 1 458 shënjestra terroriste gjatë 431 fluturimeve në provincat e Idlebit (veriperëndim), Alepos (veriperëndim) Latakias (veriperëndim), Hama (qendër), Homs (qendër), Raqa (lindje) dhe Deir Ezzor (lindje)”, sipas një komunikate të ushtrisë që nuk citon asnjë çast grupin Shteti Islamik.
“Bombarduesit rusë kanë zhvilluar bombardime nën mbrojtjen e avionëve luftarakë të tipit SU-30”, theksoi zëdhënësi i ministrisë ruse të Mbrojtjes, Igor Konaçenkov, pasi u rrëzua një avion më 24 nëntor nga ushtria turke në kufirin siriano-turk, duke shkaktuar një krizë të rëndë mes Moskës dhe Ankarasë.
ATSH
