Kryeministri Edi Rama, në ceremoninë e prezantimit të Bankës Amerikane të Investimeve, ABI, tha se shpreson që investimet amerikane në Shqipëri të rriten.
“Investimet amerikane janë rritur e konsoliduar. Janë 157 ndërmarrje amerikane ose me kapital të përbashkët amerikano-shqiptar, megjithatë janë jashtëzakonisht pak krahasuar me ç’duhet të ishin”, tha Rama.
Kryeministri shtoi se shqiptarët kanë dashuri për SHBA, ndaj “ne jemi të vendosur ta çojmë përpara materializimin e kësaj dashurie, me investime të tjera amerikane ose të përbashkëta”.
