Me një ton mjaft kritik ndaj mazhorancës, kreu i PBDNJ Vangjel Dule tha se realiteti ekonomik në Shqipëri është mjaft i zymtë. Për Dulen dy janë shkaqet kryesore të kësaj situate. Fakti se biznesi është ndarë në biznese të Rilindjes dhe biznese jo të Rilindjes dhe fakti se sistemi i taksimit progresiv ka dështuar.
E ka thënë cieroni “Pas ekonomisë dhe shifrave pëherë fshihet kush është përfituesi”… Kryeministri ynë është një njeri që ka marrë një çekiç në dorë dhe kërkon të godasë këdo. Njësoj kontrabanta dhe evazioni dhe njësoj berberi me biznesin e vogël. Jo zoti kryeministër, ky nuk është ligj. Më shumë se çdo herë kemi të bëjmë me biznese të partisë dhe jo të partisë. Mos të mërziten kolegët e socialistë, sepse nuk e kam me PS, por me bizneset e “RL-së”(Rilindjes).”- tha Dule
“Taksa progresive u kundërshtua fort dhe vijon të kundërshtohet. Është një taksë që e majta e ka fiksim. Po cfarë ndodhi me këtë taksë. A u rritën të ardhurat me ardhjen e taksë progresive? Jo. Kemi investime më shumë? Jo, nuk kemi. Kemiinvestime të huaja? Jo, nuk kemi. Pse hezitohet që të pranohet se kjo politikë fiskale ka dështuar? Në mënyrë që të ndërhyhet për të rregulluar gabimet e bëra.”- theksoi kreu i PBDNJ
Vangjel Dule vuri theksin edhe tek një fenomen që sipas tij ka kapluar kurdoherë diskutimet e krerëve të shtetit, në lidhje me cilësimet që ata i bëjnë buxheteve të qeverive të tyre.
“Nga ana e kryeministrit ndoqa një ligjëratë që i ngjante një mbrojtjeje të një kryeministri ndaj një mocioni mosbesimi, ku në cdo rresht gjeje përpjekjen për të çmontuar a priori akuzat potenciale të opozitës. Është e drejta e tij por do të ishte shumë më e arsyeshme nëse këtë do ta bënte në ndërhyrjen e tij të dytë e të tretë, pasi të kishim dëgjuar opozitën.
Vura re se në të gjitha buxhetet tona nuk mund ti shmangremi delirit të dimensuionit historik, cdo kryeministër gjen një element ditirambik historik, gjetja e buxhetit të kësaj rradhe, qenka buxheti i parë me suficit primar. Mjaft më. Jemi në një realitet të zymtë në ekonomi. Le të jemi transparent, le të jemi më modest.”- u shpreh Vangjel Dule
