Një re me vlera anormale të lëndës radiaktive rutenio-106 u konstatua në pjesën më të madhe të Evropës mes muajve Shtator dhe Tetor, siç shkruam para pak ditësh në JavaNews. Konfirmimi erdhi nga agjencitë evropiane pas verifikimeve të kryera. Edhe pse niveli i kësaj lënde në atmosferë nuk ishte shqetësues sa i takon shëndetit të njerëzve, ajo që ngriti shqetësim ishte origjina. Referuar të dhënave nga agjencitë evropiane, u ngritën dyshime se fajtore për ndodtjen e mbarë Evropës ishte Rusia.
Tashmë që kjo çështje ka hapur debate, më në fund reagoi edhe Rusia. Moska pranoi se afër Kazakistanit, agjencia e saj atomike ka konstatuar prezencën e rutenio-106 deri në 1 mijë herë mbi normë shkruan JavaNews.
Shërbimi meteorologjik rus Roshydromet konfirmoi konstatimin e lëndës radioaktive në zonën e Uraleve. Por, agjencia kryesore atomike ruse Rosatom nxitoi të shfajësojë Rusinë duke theksuar se nuk ka ndodhur asnjë incident brenda territorit rus.
“Është një shkallë shumë e lartë e ndotjes” ishte shkruar në deklaratë, duke mohuar përgjegjësitë.
Vlerat e para anormale ishin regjistruar në Italinë veriore më 2 tetor, pastaj u shtrinë në veri të pjesës tjetër të Evropës. Në të gjitha vendet e kontinentit që janë prekur, nuk ka pasur problem deri në atë nivel sa të rrezikohej shëndeti i njerëzve. Reja me lëndën rutenio-106 u largua nga Evropa në 13 Tetor shkruan JavaNews.
Ruthenium-106 është produkt që përftohet nga uraniumi ndërsa niveli radioaktiv përgjysmohet kur lënda kthehet në këtë formë. “Ky është një metal”, shpjegon Federio Rochi i Departamentit të Sigurisë Bërthamore Enea në Itali. Ky metal sipas tij prodhohet në reaktorët bërthamorë i cili do të përdoret edhe në mjekësi për kurimin e kancerit të syrit shkruan JavaNews.
Ai ngre dyshime se çlirimi i lëndës në atmosferë ndoshta ka ndodhur në fazën e përpunimit thotë ai për La Republica. Po ashtu, më tej ai hedh poshtë mundësinë e ndonjë incidenti bërthamor, pasi në këtë rast do ishin çliruar në atmosferë edhe elementë të tjerë radioaktivë. Kjo shton sërish dyshimet se kemi pasur të bëjmë me një skenar të vënë në jetë nga dikush apo ndonjë shtet. Gishti tashmë është vendosur mbi Rusinë e cila ka hedhur poshtë pretendimet./JavaNews/a.m.
