Ministri rus i Mbrojtjes, Sergei Shoigu sapo ka lëshuar një paralajmërim të ashpër ndaj NATO-s kundër dërgimit të ndihmës ushtarake në Ukrainë.
“Ne do ta shohim çdo mjet transporti të NATO-s që arrin në territorin e vendit që mban armë ose pajisje për ushtrinë ukrainase si një objektiv legjitim për shkatërrim“, thotë ai, i cituar nga media shtetërore ruse.
Ai akuzon NATO-n dhe aleatët se po vazhdojnë të “pompojnë Ukrainën plot me armë”.
SHBA dhe shtete të tjera perëndimore kanë armatosur Ukrainën në luftën e saj kundër pushtimit rus. Më e fundit ishte Britania e Madhe, e cila të martën njoftoi pajisje me vlerë 376 milion dollarë.
/a.r
