Shkatërrimi i avionit më të madh në botë ishte një nga imazhet kryesore në fillimin e pushtimit rus të Ukrainës. Në shkurt, Antonov AN-225 u sulmua në bazën e tij në Hostomel, afër Kievit.
“Ëndrra nuk do të vdesë kurrë,” shkruajtën prodhuesit në Twitter kur u shkatërrua.
Tani duket se ata i kanë qëndruar besnikë fjalës së tyre, me kompaninë që ka njoftuar se planet për ta rindërtuar atë tashmë janë duke u zhvilluar. Avioni quhej “Mriya”, që përkthehej “ëndërr” dhe u ndërtua në vitet 1980 për të transportuar anijen kozmike sovjetike, shkruan CNN.
Ishte transportuesi më i madh i mallrave në botë, me rreth dyfishin e kapacitetit të mbajtjes së një Boeing 747. Deri më sot, është avioni më i rëndë i ndërtuar ndonjëherë.
Shkatërrimi i tij u njoftua më 27 shkurt 2022, nga ministri i Jashtëm ukrainas Dmytro Kuleba.
Të hënën, kompania Antonov njoftoi në një postim në Twitter se projekti i rindërtimit kishte filluar tashmë. Ndërsa kishte vlerësuar kostot e riparimit, kompania parashikoi një faturë prej mbi 500 milionë euro (502 milionë dollarë) për ta rikthyer atë në ajër.
/e.d
