Rusia thotë se brenda kësaj jave do nënshkruajë një marrëveshje me Indinë për dërgimin e sistemit mbrojtës raketor të avancuar, të tipit S-400, në Indi.
Zyrtari i Kremlinit, Yury Ushakov, tha sot se marrëveshja do të nënshkruhet nga presidenti rus, Vladimir Putin dhe kryeministri i Indisë, Narendra Modi, më 15 tetor në Goa të Indisë. Moska konsideron se sistemi S-400 është armatim tejet modern.Ky sistem ka rreze të veprimit deri në qindra kilometra.
Rusia dhe India, liderët e të cilave mbajnë samite të rregullta vjetore prej vitit 2000, kanë lidhje të afërta prej përfundimit të Luftës së Ftohtë dhe tash janë partnerë në grupin BRICS të ekonomive në zhvillim, citohet Koha. (b.an)
