Studio kryesore ruse e filmit “Lenfilm” parashtroi se ishte e gatshme për filmimin e udhëheqësit të Revolucionit rus, Vladimir Iliç Leninit dhe shtoi se roli kryesor do t’i besohet Leonardo Di Caprio.
Deklarata nga studioja më e vjetër filmike e Rusisë, siç raportohet nga RT dhe botohet nga BETA, erdhi pas dëshirës së vetë Di Caprio, që pohoi se ai do donte të luante Putinin, Leninin ose Rasputinin.
“Putin është një karakter shumë dhe shumë interesant. Unë do të doja ta interpretoja “, ka thënë DiCaprio. Zëdhënësi i “Lenfilm” Valery Karpov kujtoi se Di Caprio në rininë e vet kishte një ngjashmëri të madhe me Leninin, e se ky ngjasim është shumë i zakonshëm, dhe se kjo studio ka disa projekte për periudhën e Revolucionit të Tetorit, në të cilën ai mund të aktivizohet.
Regjizori rus Vladimir Bortko gjithashtu ka thënë se ai do të donte për të bërë një film me Leonardo DiCaprio në rolin kryesor.
“DiCaprio është një aktor i madh. Ai mund të luajë çfarëdo që dëshiron. Me kënaqësi do të bëja një film me të në rolin kryesor,” tha Bortko, drejtor i filmave të shumtë, duke përfshirë edhe “Mjeshtri dhe Margarita”, “Idioti” dhe “Taras Bulba” .
