Ish-kryeministri i Rumanisë, Victor Ponta, po hetohet për korrupsion lidhur me një vizitë të Tony Blair në vitin 2012.3809
Prokurorët rumunë kanë marrë në pyetje Pontën të martën mbi akuzën e abuzimit me detyrën si lider i Partisë Social Demokrate që të binde Blair të vizitonte Rumaninë.
Ponta akuzohet se i ka ofruar Sebastian Ghita, një biznesmen lokal, një karrige në parlament në shkëmbim të pagimit të një shumë prej 220 mijë euro kosto për vizitën e ish-Kryeministrit britanik. Ghita ka deklaruar për agjencinë e lajmeve ‘Mediafax”, një fakt të tillë.
Për këtë çështje zyra e Blair ka bërë të ditur se është kontaktuar nga një fondacion për të mbajtur fjalim dhe për këtë shërbim ka marrë një pagesë për një leksion mbi të ardhmen e Evropës.
Në një çështje tjetër, Ponta akuzohet për korrupsion për punën si avokat gjatë viteve 2007-2008.
Ai u zgjodh Kryeministër në vitin 2012 dhe dha dorëheqjen në vitin 2015, pas protestave për zjarrin e rënë një klub nate që solli vdekjen e 30 personave.
panorama/d.i.
