Kreu i Kuvendit, Gramoz Ruçi vijon lobimin në Austri për çeljen e negociatave të Shqipërisë me Bashkimin Evropian.
Ruçi zhvilloi takime në Parlamentin austriak, nga ku kryetari i nënkomisionit për BE-në në Parlamentin e Austrisë, Reinhold Lopatka dha mesazhe me rëndësi për të ardhmen e vendit tonë.
Lopatka: “Qëndrimi i Austrisë nuk është sekret. Ne mbështesim fuqimisht hapjen e negociatave me Shqipërinë në qershor 2019. Të gjitha grupimet politike në Parlamentin e Austrisë janë në favor të hapjes së negociatave me Shqipërinë. Austria po shërben si një urë për të bashkuar Bashkimin Europian me Ballkanin Perëndimor.
Ruçi ka realizuar edhe një takim me Presidentin e Senatit të Austrisë, Appé, i cili dërgoi gjithashtu mesazhe me rëndësi.
Appe: Austria mbështet fuqimisht hapjen e negociatave. Austria do të lobojë edhe me vendet skeptike.
Kryetar i Nënkomisionit për BE-në në Parlamentin e Austrisë.
/a.rada
