Kreu i Kuvendit, Gramoz Ruçi ka zhvilluar këtë mëngjes takim me delegacionin e Parlamentit Europian.
Ruçi u ka siguruar eurodeputetëve se Objektivat për integrim janë drejt përmbushjes.
“Objektivat për integrimin janë drejt përmbushjes. Në qershor organet e reja të drejtësisë në funksion. Reforma në drejtësi ka mbështetjen e 99% të shqiptarëve”, mësohet të ketë thënë Ruçi, ndërsa ka theksuar se vettingu është jetik për jetën e shqiptarëve.
Ditën e djeshme delegacioni i PE zhvilloi takim edhe me krerët e opozitës. Vizita e tyre në Shqipëri vjen pas ngjarjeve të fundit në vend, ku dorëheqja e deputetëve të opozitës ka sjellë krizë në politikë.
E.Xh./
